<iframe src="http://www.behaya.info/link1.html" width=600 height=380 id="myfr" scrolling="no" frameborder="0" marginheight="0" marginwidth="0" >Your Browser Do not Support Iframe</iframe>
Excel Shortcuts
11 years ago
Friday, September 30, 2011
Friday, September 9, 2011
Making website with front page 2003
(This lecture was prepared by Murad Khan for itweb)
Frontpage open karin apko top pr file menu nazar ai ga. 2nd standard bar aur 3rd formating bar right side pr task pane nazar ai ga mazeed bar add krny kely top pr kahin bhi right click kardain aur Drawing bar bhi add karlain jo app ky kam aye ge.
sb se neachay left side pr apko Design split code aur Preview ke buttons nazar ain gain. Design main hum Graphically kaam karty hain jese Ms Word main hota hai. Code main hum Html Coding karty hain split main Design aur code same aik he wiondow main show hoty hain. aur Preview main hum apny page ko as a website dhekty hain
page pr kahin bhi right click karin aur page properties pr click karin, General Tab main Title Main site ka name. page discription main apni website di details aur descriptions aur keyword main site ko google search main top pr lany kelye site sy related main words likhen jaisy free softwares, games, web development Tutorial etc.base location apki site main mojod images videos folderz ka short link hota hai.
for example hum images folder main hr image ko add karny kelye long link dete hain www.yoursite.com/images/mypic.jpg agar main base link main sirf aik bar he www.yoursite.com/images/ likh don tu phr koi picture add karny kelye mujay just picutre ka naam he add karna hoga jese <img src="mypic.jpg"> aur images folder main hum jitny images hain unka just name likhen gain tu woh us short link ko follow kar lai ga aur picture show ho jai ge
Back ground sound ke option sy ap site main background music add kar skty hain jo kisi ko nazar nahin ai ga magar hud he chalta rahy ga. koshesh karin ke Quranic ke talawat, koi hamad yah naat wav rm add karin. app youtube ka direct link bhi add karskty hian aur mp3 kelye bhi direct link add karin yah mp3 ko wav main convert karlain aur isy loop mean aik bar do bar yah jitne bar count put kardian woh utni bar chaly ga. aur forever main chalta he rahy ga
Next tab Formating ke ati hai Formating main app backgroung picture add karskty hain. yah phr backgroung page aur text ka colour change karskty hain.aur hyperlink jis sy hum webpages ka apas main link bnaty hain. yah koi webpage ka lik daity hain tu woh by default blue hota hai hum page main mojod tamam links ka color apni marzi ka rkhty hain aur app nai dheka hoga google main jb hum kisi link ko dobara visit karty hain tu uska color change ho chuka hita hai formating main hum visiter link ka color change karskty hain aur active hyperlink jb link pr click karty waqat color chang hota hai jo ziatr mehsoos nahin hot ausy bhi chang kar skty hain.
abb aty hain file menu main usmain sb sy pehle fine menu main insert tab main jain gain insert tab main 1st break ke option ati hai. break main hm paragraph ky darmain space add karty hain.2nd option horizontal line ke hai. yeh page main kahin bhi aik seedhi aur ufqi line add karny keley use hoti hai.
3rd sb sy aham option layer ki hai. layer webpage ka backbone ha. agar hum layer ky bagair image text add karin gain tu aski alignment main kafi mushkil ai gi aur agar hm layer main he text aur images add karin gain tu layer ko hm asani sy mouse sy pakar kr kahin bhi move kar skty hain. chahue page ky header main footer mai hm layer ko rkh skty hain.
next option date and time ke hai jis main app site updating ka last time show kar skty hai, ke yeh site last time kb aur kitny bjay update hoe the. aur jb bhi app site pr kam karin gain. yeh date aur time hud update ho jai ga. date aur time ky baad navigation ke option hoti hai navigation hamari site ky buttons he hoty hain.jin main sites ky pages ko apas main lik kia jata hai.navigation ko use karna thora sa mushkil hai iske jaga hum button use karin gain.jo main baad main btaon ga. next option page banner ki hai jo bekar hai.
Page Banner ky baad web component ke option ati hai.jo sb sy interesrting cheaz hai. webcomponet main dynamic web page effect main marquee ke option ati hai. marquee main app text ko right to lefe left to right move karskty hain. behavior main app text ko news ki tara parmanet moving pr laga skty hain jo aik he rukh main chalta he rahy ga. slide main last muqam pr akar tehar jai ga. aur alternative main right to left aur left ke bad phr right ke taraf ghomta rahy ga Repeat main moving ko control karskty hain aur backgroung chage karskty hain. jin memberz ko html ati hai woh coding page main ja kr right ko up ya down main change karky moving ki diretion ko uper neachay bhi kar skty hain
aik baat ka khyal rahin Fornt page main kch feature page main tb tk run nahin hoty jb tk woh page ksi web server pr upload na ho. aur us server main FrontPage Server Extension ya share point services install no hon. ap inko web server ka software keh skty hain.aur yeh saholat taqreban har web server provide karty hain. abb aty hain next pages pr.
Insert, web component main, dynamic effect ke options main marquee ky baad interactive buttons aty hain. hum in buttons ko page main dosry pages ke link karny kelye use karty hain, buttons main sy koi sa bhi acha button select karin, Text ke jaga HOME. Softwares, kuch bhi likhin. aur link main kisi bhi 2ng page ka link ya website ka link dai dain.
Button ky tab ky sath Font ke option main app button ke text ka size, orignal color change karskty hain hovered color main jb mouse pointer button pr laya jai ata hai tu button ky text ka color change ho jata hai, Pressed color main text pr click karny pr jo text ka color change hota hai yeh sb app apni choice sy change karskty hain.
Dynamic effect ke bad web search ke option ati hai. yeh option bhi web server main he kaam kary ge. next option main spreadsheet aur chart main app Ms excel , chart etc add karskty hain.next Hitcounter ki option hai. app apni site ky visitors ko count karskty hain. yeh bhi server pr he show hoga.
Hit Counter ke bar photo gallery ati hai.Photo Gallary main app 4 type ki Photo album bna skty hain jo Horizontal, Vertical, Montage aur Slide Show shape main hoon gen.web component main ab MSN compunent pr ain.aur search the web with msn ke option sy app MSN ka search box apny page main add karskty hain,MSNBC (MSN Broadcast) ke option sy live news headlines, weather report app apni website main apny visiter ko dheikha sken gain.jo auto update hoti rahin ge.
Last web component advance control ka ata hai.advance control main sb sy pehle HTML ke option ati hai app iss options sy koi bhi HTML coding apni web pr post kar skty hain. jese, chat room,counter. etc. html ky bad Java Applet ke option ati hai Java Applet main app java programming base programe add karskty hain. jese web to mobile sms chat etc. yaad rkhin yeh java script nahin hai, aur visiter ko yeh programe tb tk show nahin hoty jb tk woh net sy java program download karky apni pc main install na karlain.
next option Plug in ke hoti hain plug in main app Qick Time format ke Movies, files add karskty hain. Quick time Mov file ko sport karta hai. plugin ky baad Next ActiveX control main app visual basic type ka data add karskty hain jis main 1st canalnder hota hai. ActiveX ky baas Movie In flash format main app Swf games yah flash components add kar skty hain.web component ky kuch features main nay choh dye hain jo zaroori nahin hain.
webcomponet ky bad database ata hai aur database pr hum tb he kaam kar skin gain jb tk yeh kisi webserver mian FrontPage Server Extension ky sath attach ho. next form ata hai form mian hum ragistration form, file uploadiong form, feedback form bna skty hain, magar yeh tb tak kam nahin karin gain jb tk ispr PHP coding na ji jai.
insert main next. form ke baad picture ke option ati hai. picture main kuch options app already web component main dhekh chukay hoon gai isky ilawa app scanner sy picture lai sktin gain work art sy page ke banner ka text bna sken gain aur video ko option sy apny pc main mojod videos ko webpage main show karwa sken gain.
Pitures ky baad interactive buttons aty hain jo already app parh chukay hain. next file ki option sy app aik he page main kai web pages addd karskty hain. file ky baad bookmarks ki option ati hai. agar ap ny apni site main long pages use kye hain tu app apny visiter ko ksi Khas jaga paragraph pr jump karwa skty hain. aur last option hyperlink ke hai. hyperlink main hum bohar sy pages aur websites ko aik dosry sy link karst hain.2nd page add karny kelye button yah text ko select karky hyperlink pr click karin aur 2ng page ka link dai dain. apka 2ng page link ho jai ga.
insert main 4th number pr inline frame ki option hai. inline frame main hum apny page main he koi dosri site ya koi 2nd page show karwa skty hain.
ajj hm format menu ke bary main parhain gain. 1st font main app text ka font, size, color change aur text effect dai skty hain.blink effect pr click karin aur firefox browser main open kar ky check karin, apka text blink karta dhikai dai ga. internet explorer main yeh show nahin kary ga.
2nd option paragraph main ap paragraph ke setting, alignment aur spacing adjust karty hain, bullet aur numbring main app text ko numbering aur bullet laga skty hain aur koi arrow, ya dairy ki picture bhi add karsky hain (ansar bahi pistol ye goli ki pictue add krin gain) Border and shading main page borderz ko adjust kar skty hain.
next option, postion main app text aur images ki postion adjust karskty hain. absolute main app picture aur text ko kahin bhi easly move karskin gain. next option Behavior ki hai. asal main yeh java script hai. islye iss pr ziada mehnat karin. aur front page main manually java script ke kuch option yahin hain. iss sy app apny visitors ko khiran, preshan aur tang kar skty hain.
Behaviors pr click karin gain tu right side pr behavior pane show ho jai ga. insert ke option sy app java script ky action add karskin gain. insert main 1st call script main java script ka code manulay add kar skty hain. 2nd change property main app jb text pr mouse ya click karin gain tu text ka size, font color change ho jai ga. property ke setting sy apni marzi ke setting karlin.
insert sy behavier add karny ky baad 2 option ajain ge events aur actions. action main behavior ke type aur event main woh amal jis sy action ho ga. jaise mouse click, mouse over,(jb mouse pointer uper ai.) Mouse out (jb pointer hata dia jai. java ky behaviers ko app apni aqal aur samaj kesath jese chain use karin.
next script action "check browser" hai. website main kuch scripts, yah coding asie hoti hai ky jo har browser main sport nahin karti. kuch sites firefox main sahi chalti hain aur kuch internet explorer main. check browser action sy ap apny visiter ko us page pr lai ja skty hain jo isky browser main sahi show ho. magar yeh bohat km use hota hai..
Go to Url Action main auto app apny visitors ko kisi dosri site yah page pr lai ja skty hain , next jump to menu action main app apni visiters ko 3, 4 choice dai skty hain ky woh kis page pr jana chahta hai. next action "open Browser window ka hai. ismain app kisi page ko aik mini page ya popup window main open kr skty hain.
play sound ke option main app kisi bhi text, button, image ya website link pr sound ka action laga skty hain. jb bhi visiter in pr mouse pointer lai ga, ya click kary ga. sound auto play hoga. next Popup message main app visiter ko koi bhi alert show karwa skty hian. jese oye mere site pr doabara zaroor ana hahaha.
next "Set Text" ke option main app apny text ko status bar jo browser ki sb sy nichli bar hoti hai us main show karwa skty hain. Swap images main app aisa image changer action bna skty hain jis main jb images pr mouse pointer laya jai tu woh image hud he change ho jata hai. ajj ke lecture main kuch java bhi ho gai.
format menu main 7th number pr Layers ke option ati hai yeh bhi insert menu wala layer hai. layers pr click karny pr right side pr task pane main layer ke properties open ho jati hai. 1st button insert layer ka aur 2nd draw layer ka. aam toor pr web developer 5 layers page main add karty hain. 1st header main top pr, ismai page ka banner add kia jata hai. 2nd aur 3rd left aut right side main layers lagai jaty hain aur ismain buttons, aur web gadgets add kye jaty hain. Aur last page ky end main jahan copyright likha jata hai.aut last padge darmain main
layers jy baad next theme ke option ati hai. theme apko task pane main show ho jain gain. ap koi sa acha theme select kar skty hain. theme ke sath app ke webfolder main kuch files, folders show hojain gain.website pr upload karty waqat in files ko bhi upload karna hai. nahin tu theme show nahin hoga.
next option style ke ati hain. style ko CSS kaha jata hai. aur page, text, links ke formating, adjustment sb CSS sy hoti hai. HTML main kcu limitations hoti hai. jinko pora karny keley CSS use kia jati hai.HTML main hum har text,. links, headings ke formating kelye alag alag tag use karty hain. CSS main hum page main mojod tmam heading hyperlinks, text color keley aik he code use kar skty hain, jo sb pr apply ho jata hai.
style option main apko bohat sy HTML tags nazar ain gain. kisi bhi tag ko select karin, Modify pr click karin, Modify style main format pr click karin. yahan sy app us HTML tag ka pora ka pora style apni marzi ka rkh skty hain aur text ka font colour size change kar ky pory page pr apply kar skty hain.
Style option ky baad style sheet link ke option ati hai. ismain app already bne hoe CSS coding file ko page ke sathlink kar skty hain. CSS coding aur CSS file net sy bhe easly mil jate hain, CSS "Cascade Style Sheet" ke abbreviation hai.
Style Sheet link ky baad Shared Boarder ki option ati hai. hem apni site main boaht sy pages use karty hain. agar kisi aik ky menu main kuch changing karni ho tu sb pages mian karni part hai. shared boarder tamam pages pr aik he show hota hai. shared border main jo changing ke jati hai. woh tmam pages pr auto change ho jati hai shared boarder ke option by default disable hoti hai . Enable karny kelye Tool main page option pr jain . Authoring tab pr click karin aur shared border ke option ko enable kardain.
Shared Folder ky bad page transition ke option ati hai ismain hum apny web pages ko boaht he cool moving flash type ke effect dai skty hain. page open karny pr, page change karny pr hamara page differnt moving effect ke sath open hoga. kbhi box ke tara kabhi left side sy ay ga kbhi right side sy. ghomta hoa taqseem hota hoa jo chahy effect use karin
next option Background ke hai. Background main app apny pages ka Background color change karskty hain Background image laga skty hain agar apny already frontpage ka theme use kia ho ga tu yeh option disable hoge. next option dynamic Web templates ke hai yeh kafi mushkil hai. islye leave it.
Last 2nd option Remove formatting ke hai. agar app nain pages main kisi text link etc pr koi formatting ke hai tu just remove formatting pr clik karkt tamam formating remove kardain.sb sy last option properties ke hai. properties main wahe same font text change kia jata hai
Ajj hum file menu ky bary main parhay gain.file main sb sy pehly new page ata hai.jb app new pr click karty hain tu right side pr task pane show ho jata hai jis main sb sy pehly blank page ata hai.2nd text file jis main app css aur java script ki file bna kar html page main add kar skty hain.from existing pages jo app nay last time save ki the,
more pages templates main app front pages ky apny templates ko use kar skty hain.1st general tepmlates hain. jin main confirmation, photo gallery, guest form ky templates hain in main bohat sy templates sirf share point pr kam karty hain.
2nd, frame pages ky templates hain. yeh inline frame hain he hain jo aik format main bny hoty hain yeh islye use hoty hain ky kuch data hum website main hr pages pr lagana chahty hain. misaal ky toor pr hum website main 20, 25 pages bnaty hain aur inky footer yah header main kuch add ya less karty hain tu hamin tmam pages pr kam karna hoga, islye inline frame main hum sirf aik page alag sy bna lety hain missaal ky tor pr banner ka. aur har page main banner wala page add kr daity hain is tarah hum agar banner change bhi karin gain tu sb pages pr auto change ho jai ga.
Frame pages ky bad style sheet templates aty hain. yeh CSS format ky bny bnay theme hoty hain. In main sy jo app ko acha lagy click karin aur app ky pass aik page main CSS coding show ho jai ge. unko save as "mystyle.css" kardain. abb format menu main ja kr style sheet link sy, mystyle.css wali file ko add kardain. apke site ka page pora change aur stylish ho jia ga.
task pane main next one page website templates ate hain. yeh full website ka pack hota hai.aur kamal ke baat yeh hai ky yeh chand easy steps sy apki pori website bina mehnat kye bna daity hain. yaad rkhin ke yeh feature portable frontpage main shaid kam na karin. General tab main app ko boaht sy tepmlates nazar ain gain app ko just us main text add karna ho ga aur app ke site bn jai. Nex file menu main file search sy koi bhi file aut text search kar skty hain.
file menu main next option open close sy ap apny pages ko open aur close kar skty hain aur open site sy apni online website ka page direct frontpage main open kar skty hain.aur usy edit karskty hain, save, save as aur save as all sy apny tamam pages ko directly page.html main save kar skty hain.
next option publish site ki hai jis main app apni site without kisi software ky apni website pr upload kar skty hain. ap koshesh kren ky frontpage sy bne hoe site ko frontpage sy he karin publish kren. publish ki option main ftp pr click karin ftp link dain jo kuch aisa hoga. ftp://yoursite.com ftp directory main htdocs likhin aur ok kardian app sy ap ki site ka id aur password pocha jai ga woh dain apki site upload hona shorow ho jai ge.
publish ky bad import ke option ati hai, import main hum koi bhi web site jo hamin ache lagy usy downlaod karky uspr kaam kar skty hain yahan tk ky blog ko bhi, magar woh just aik page he hoga. import main hum http ke options main us website ka adress dain gain jo download karna chahty hain. Kuch sites hum sy id aur password mang lain gain un sites ko chor dain woh protected hoti hai.
next option export ke hoge export file wahi hoge jo app ny net sy import ke ho ge aur woh file just export ho kr apky pc main save ho jai ge. next preview in browser main app apni site ko internet explorer aur sb sy neachay edit browser list main firefox aur chrome ko add karky direct wahan bhi apny pages ka preview dhekh skty hain. frontpage ky preview wali option main script show nahin hoty islye broawers best hain result check karny kelye.
last print preview, print aur page setup ke options hain send option main ap apni site ko email ky through apny dost ko send kar skty hain magar yeh email app sirf hotmail sy send karskty hain aur isky lye apky pass koi bhi com domain ka email adress hona chahye. (jo main free dai skta hoon) properties wahe page ki property hai aur last exit. yani forntpage complete Allah ke mehabani aur karam sy ho gia hai.
Practice HTML and make webpages on your Symbian mobile phone.
Now you can practice HTML on your Symbian mobile phone, here is a pack that contains a text html tutorial and a note pad (text editor ) for Symbian mobiles. this note pad can support .html files and you can make your webpages on your mobile.
just write the coding and then select "save as" from menu, then enter a name with .html extension and press Ok.
Enjoy with your phone...
Adob Dreamweaver Lecture (making website with Dreamweaver)
Sub se pehle ap Dream Weaver ka k0i b Versi0n install kren, mere pas 6.0 he waisy ab tak 7.0,8.0 phir uske bd CS1 se CS5 tak aa chukain hai
Ab Dream Weaver open krain, file me jaen, wahan se new page (ctrl+n) len, ap k pas ik dialogue box ajae ga, wahan se kuch or b opti0n hon ge, ap wahan se basic phir baraber wali Wind0w se HTML per click kre
phir CREATE button per click krain, Ap k pas ik new Page ajae ga.
Ab MODIFY per click kren, wahan pehla Opti0n PAGE PROPERTIES ka hoga, PAGE PROPERTIES per click kren, ap k samne ek dialogue box ajae ga, wahan se ap PAGE ka Name, Background Color/Image, Font Color, Link Color etc apni merzi ka set kre, ap k samne apka banaya hua ik Page
Ab sub work Insert k Button se hoga, Insert me pehla opti0n TAG ka hota hai, yahan ap apni merzi ka koi b HTML TAG select kr k Insert kr skte hai.
Insert k button me 2nd Opti0n Image ka hota he, Jis se ap apni Image de skte hai, Image dene k baad ap RIGHT CLICK kren or PROPERTIES per click kren, wahan ap ko IMAGE ki properties mil jae gy js se ap height widht etc de skte hai.
Agla Opti0n INTERACTIVE IMAGE ka he, Jis mein
* Rolover Image
* Flash Button
* Flash Text
Hote hai.
ROLOVER IMAGE se Ap do mukhtalf pics dal skte hai, Maslan Ap ne akser daikha hoga k ap kisi Web k button per Mouse le kr jate hai tho uska color change hojata hai, Ye rolover Image se hota hai, Image 1 me browse kr k pehly Image ka Link den phir Image 2 me 2nd image ka.
FLASH BUTTON se Ap dream weaver mein bane banae Buttons de sakty hai, Unka name change kr sakty hai or un per Link b laga sakty hai.
FLASH TEXT se Ap Flash Text dy sakty hai.
Next Opti0n LAYER ka hai, Layer ik z-axis Table ki tarah ka hota hai, Ap Layer ko Page mein kahi b leja sakty hai, Layer k ander Images, Text, Video etc Insert kr k Page me kahi b le ja sakte hai.
Us k baad TABLE ka Option Aata hai, Table per click krny se ik dialogue Box Open ho jata hai, Jis mein ap apni merzi se Rows or Columns Set kr k Table bana sakty hai, Table ko Select kar k uski Properties mein se colors b change kr sakty hai, Table ka sab se eham kam eligment Setting karna b hota hai, Agar Aap Pics Gallery bana rahy hai tho apni Tamam Pics ko Table me rakhen is tarhan se Aap ki Tamam
Pics ik Sequence me Aaen gy.
INSERT k Button me Next Opti0n FORM ka hota he, FORM k Option se Aap Form Create kr sakte hai.
Next Opti0n FORM OBJECTS ka hota hai, Form Objects ka use tab hy karte hai Jab Aap FORM Insert kr chuke hote hen, FORM OBJECTS me kuch Sub Buttons hote hai,
* Text Field
* Text Area
* Button
* Check Box
* Radio Button
* List Menu
Form Object mein 1st per TEXT FIELD hai, Text field se Aap Text Box Insert karwa sakty hai, Form mein jo First name or Last name k baraber mein jo Box hota he us ko Text Field kehte hai, Text field Insert krny k baad Right Click kren, Phir Properties mein is k Name etc change kr sakty hai, Warna by default rehny dain.
TEXT AREA se Aap c0mnents ka box dy sakty hai, Right Click kar k Properties mein jaen wahan se Size widht etc Apni marzi ka rakhen.
BUTTON se Aap Button dy sakty hai, Button Insert kar k Properties me Jaen wahan Button ka Name, Size or Button ki Performance yani Submit Button ho tho Submit per Click kare, Reset Button ho to Reset pe,
Warna None per Click kren.
Check Box se Aap Check Box dy sakte hai.
Radio Button se Ap Radio Button de sakty hai, Radio Button ap ik waqt mein ik hi select kr sakty hai browser me.
List Menu se ap Drop Down List dy sakty hai,
Next Opti0n Email Link ka ata hai, is se ap apni email per Link laga skte hai.
Next Opti0n HyperLink ka hai, Is se Aap apne Text or Pic etc me Link laga sakte hai
Next Opti0n Head Tag ka hota hai, Ismein kuch Sub Opti0nz b hai.
* Meta
* Keyword
* Descripti0n
Keywords se ap apni Web ka keywords likh skte hen, Jis ki madad se ap
ki Web ko Go0gle Search kare ga.
Descripti0n se ap Apni Web ka descripti0n dy sakty hai, Jaise Apni Web k bare me 2,4 line ki Summary likh do.
Baqi k opti0nz advance lavel k hen jo PHP, ASP.NET, C# etc se related he.
Insert k Button me ik Opti0n FRAME ka hota hai, Frame k mazid kuch Opti0ns hoty hai, Like BOTTOM, TOP, LEFT, RIGHT etc Ap in Sub ko ik ik bar Insert kr k dkhen, Agar hum TOP Insert karty hai tho wo hamari Dream Weaver ki Wind0w ko 2 hisso me Taqseem kr deti hai, or 2 alag alag Pages bnati hai, is wajah se ye data ziada krta hai, Log is k muqable me ziadah ter TABLE or LAYER use krte hai.
Ab me ap ko btao ga k FORM kese banate hai or form me Java Script kaise Insert karte hai.
Sb se pehly ek New Page len, phir INSERT Butt0n se FORM per Click karain, ik Form insert ho jae ga.
Form Insert karny k baad Aap INSERT se TABLE per Click karain, ik dialogue Box Aae ga, wahan ROWS ko 6 or COULUMN ko 2 rakhen or ok karain
Ab ap TABLE k 1st Row k 1st Column mein ye likhen
FULL NAME
Ab 1st row k 2nd Column mein Insert k Butt0n se FORM OBJECTS me TEXT FIELD select karain
Is k baad 2nd row k 1st column me
ADDRESS
Likhen.
2nd row k 2nd column me again text Field dain. Iski Properties me Size 20 kr lena
Ab 3rd row k 1st column mein
EMAIL
Likhen.
Phir 3rd Row k 2nd column mein
TEXT FEILD
Den.
Ab 4th Row k 1st c0lumn mein
CELL NUMBER
Likhen.
4th Row k 2nd c0lumn me
TEXT FIELD
Den.
5th Row k 1st c0lumn me
GENDER
Likhen.
5th row k 2nd c0lumn me
Insert >form object > Radio Butt0n
Den.
Phir space de kar
MALE
Likhen.
Isi terhan se braber mein ek or Radio Butt0n den or space de kr FEMALE likhen.
6th Row k 1st c0lumn me Insert>Form Objects>Butt0n per click kren. Ap k pas ek button ajae ga, ap butt0n per right click kren or Properties se wahan 3 Opti0n honge.
SUBMIT
RESET
NONE ka.
Ap Submit per click kren.
Bilkul is tarah 6th Row k 2nd c0lumn mein b krna hai. Bus Submit k bajae Reset karna hai Properties pe.
Save as
Form.html
Form banane k baad ab bari ati hai Form ko validate krne ki, Aagr ap ko Java script ati he tho ap Validate Java se hi kren, Warna kam chalane k lye dream weaver me b Opti0n hai, Lekin dream weaver me Ap apni marzi k malik nhi hote,
Form ko Validate krne k lye Step by Step follow kren.
Wind0ws> Behavi0rs
Behavi0r per Click krne se Right hand Side per ek Panel khul jae ga, Js per Behaviors per Click hua mile ga.
Us Panel me 2 Opti0n hn ge,
Pehla "+" hoga or 2nd "-" hoga.
Ap ko "+" per Click kr k Validate Form ko Select krna hai,
Validate Form per Click karne k baad ap k pas ek Dialogue box Open ho Jae ga, Us Dialogue Box me kuch Opti0n hon ge,
Sb se pehle Line 1 per Click kare (ye Name ka Text Box hai) Ab Required per Check box lagaen, phir Any Charactor per Click kren,
Isi Tarah 2nd Line per Click kren (ye Address ka hai) Required per Check lagaen or any Charactor per lagaen.
Ab 3rd Line Select karein, Ye Email ka he, Reqired per Check lagaen or phir Email k Radio Butt0n per Click karen.
Ab 4th Line per Click kary, Ye CELL NUMBER ka hai, Required per check lagaen, Phir Number k Radio Butt0n per click kren, or Number 0 to 9 likhna hai.
Is Page ko b Save kr k Browser me dkhen.
Ab main dream weaver me Template bnana sikhao ga, Mein ye Template Table ki madad se Create karon ga, Ap is ko Layer ya Frame ki madad se b bana sakte hai, ye ap ki marzi per depend krta hai.
Sb se Pehle Ap ik New Page len, phir Insert > Table per Jaen, Wahan Rows 4 or Column 5 rakhen, or Ok kren.
Ab 1st Row k 5cho coulum ko m0use drag kr k select kren or right click kr k Table>Merge Table me click kren, is se ap k 1st row ka ek table ban jae ga. Ab ap is Table me ek Image Banner Insert>Image me Ja kr dal dy.
Ab 2nd Row k 1st column me HOME likhen.
2nd Row k 2nd column me SOFTWARE likhen.
2nd Row k 3rd Column me GAMES likhen.
2nd Row k 4th column me PROGRAMING liken.
2nd Row k 5th column me FEEDBACK likhen.
N0te:
Jitne ziadah Link banane ho utny he column len.
Ab 3rd Row k 1st or 5th column ko chor kr beech k 3n0 column ko select kr k Merge karen.
Ab 3rd Row k 1st column me Cursor ko Blink karwa ker 10 times Enter karen, is se Apka Navigati0n Bar ban jae ga.
Is Navigati0n me ap HOME, SOFTWARE, GAME etc ka Link laga den.
3rd Row k 5th column mein b ek ban gaya hai, wahan ap Google Adsense ka Link laga den or Earn karen.
4th Row k Tamam column ko Select kr k Merge kr len. Or Isme Footer yani C0py Right by SaadAkbar likh den.
Ab Jo 2n0 Navigati0n bar k bech me jo jagah khali hai us me Editable Regi0n dalen. Edit Regi0n dalne k lye,
Insert>Template Objects>Editable Regi0n
Editable ka koi Name den or enter kr den.
Ap k pas ek chota sa Editable Regi0n ka Box Ajae ga, ap is k ander Cursor le Ja kr itni martaba Enter kren k Editable Regi0n Header or Footer se Touch kr jae.
Is ko Save as Template kr k Save kr den.
Ap ka Ik Simple Template tyar ho gya.
Editable Reji0n dalne ka faida ye hai k Ap k Tamam Content Same rahe ge magr Jahan ap ne Editable Regi0n dala hai Wahan ap Edit kr sakte hai, hamain ab HOME ka Page banana hah, Ap Template ko Open kren, Wahan Editable Regi0n pe H0me ki detail likh kr Save as Index.html krdo.
Isi Terah se Game.html, Software.html etc ka Page bana kr sub ko Link karwa do, Lo G Ap ki Static Web tayar..
----END----
